Veiði | mbl | 21.8.2019 | 14:30 | Uppfært 22.8.2019 8:41

Ótúlega mögnuð veiðimynd

Túnhylur í Vesturá í Miðfirði. Lax hefur tekið fluguna og í hylnum sést gríðarmikil laxatorfa. Ljósmynd/Alejandro Martello

Alejandro Martello sem verið hefur mörg ár í Miðfjarðará tók virkilega magnaða veiðimynd í lok júlí. Á myndinni er erlendur veiðimaður búinn að setja í stóran hæng í Túnhyl í Vesturá í Miðfirði. Túnhylur er þekktur fyrir að geyma ótrúlegt magn af laxi á hverju ári og oft er hann í lögum, bæði fyrir neðan brúna og og ofan.

Þegar Alejandro tók myndina var hann uppi á brúnni sem liggur yfir Túnhyl. Veiðimaðurinn var að strippa smáflugu yfir hylinn og á myndinni eru átökin í fullum gangi. Þessi fiskur var ekki mældur því að hann lak af eftir nokkurn tíma.

Það sem gerir myndina enn magnaðri er allur fiskurinn sem er á fleygiferð neðst á myndinni og skipta þeir laxar tugum. Nú er enn fleiri laxar sestir að í hylnum, sem svo sannarlega er bunkaður af fiski.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.