Mikil aukning eftir lélegu árin

Veiðimaður tekst á við lax í Selá í sumar. Þetta …
Veiðimaður tekst á við lax í Selá í sumar. Þetta er veiðistaðurinn Gljúfrabreiða. Ljósmynd/ES

Síðasta áratug hafa verið óvenju miklar sveiflur í laxveiðinni. Hörmungarárin 2012 og 2014 eru mörgum í fersku minni. Þá fellur sumarið 2019 í þennan sama flokk, víðast hvar á landinu. Eins og áður hefur komið fram er norðausturhornið þar undanskilið. Það er fróðlegt að skoða hvað gerðist eftir hörmungasumrin 2012 og 2014. Í bæði skiptin fylgdu frábær veiðisumur í kjölfarið.

Heildarlaxveiði á Íslandi árið 2012 var einungis 34.786 laxar. Sumarið á eftir fór heildartalan upp um 98% og var veiðin það ár 69.000 laxar.

Ef litið er á nokkrar veiðiár og borin saman veiðin 2012 og 2013 kemur áhugaverð staða í ljós eins og sjá má að neðan. Svipuð staða er einnig uppi þegar veiðin 2014 er borin saman við veiðina 2015. Í mörgum ám varð gríðarleg aukning milli þessara ára og með nokkuð svipuðum hætti og breytingin milli 2012 og 2013. Þannig veiddust 1.694 laxar í Miðfjarðará 2014 en árið á eftir fór heildartalan í 6.028 laxa.

Nú skal ekki fullyrt að 2020 verði í takt við 2013 og 2015, en forvitnilegt verður að heyra hvað fiskifræðingar segja um útgöngu seiða og ástand þeirra á næstu vikum.

Vatnasvæði              Veiði 2012       Veiði 2013    Breyting í %

Laxá í Dölum              369                    710              92%

Miðfjarðará              1.610                  3.667           128%

Þverá/Kjarrá                738                 3.373           357%

Blanda                          832               2.611            214%

Laxá á Ásum                 211                1.062            403%

Haffjarðará                  1.146               2.158            88%

Norðurá                         953                3.351           252%

Grímsá                          481               1.645            242%

Langá                            1.098            2.815            156%

Víðidalsá                       325                 909              180%

Vatnsdalsá                   327                 1.116             241%

Hrútafjarðará              177                   702               297%

Selá í Vopnaf.            1.507                 1.664               10%

Hofsá                           1.008              1.160               15%

Svalbarðsá                    274                  306                 12%

Hafralónsá                    166                 354                 113%

Laxá í Aðaldal              428                  1.009               136%

Laxá í Kjós                    533                1.281                140%

Hítará                            529               1.145                116%

Laxá í Leir.                     474                1.006               112%

Straumfjarðará           238                    785                  230%

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert