Þeir félagar Ívar Bragason, leiðsögumaður við Hofsá, og Þórarinn Ævarsson, fyrrverandi forstjóri IKEA á Íslandi, voru við veiðar í Hofsá síðustu daga. Nokkurt rok var og fékk Ívar þríkrók á kaf í andlitið. „Ég settist niður og var að kveikja mér í vindli þegar ég fékk allt í einu þetta bylmingshögg í andlitið. Tóti fann á sama tíma að framkastið skilaði sér ekki og flugan var föst. Sem betur fer leit hann við áður en hann reyndi að losa fluguna," sagði Ívar Bragason í samtali við Sporðaköst í dag, á heimleið úr Hofsá.
Eins og sést á myndbandinu sem fylgir fréttinni var það upphafsmaður óhappsins sem fagmannlega kippti þríkrækjunni úr andlitinu á Ívari.
„Hann bar sig vel kallinn og brosti bara þegar ég kippti henni úr. En ég hef gert þetta áður,“ sagði Þórarinn.
Þeir félagar veiddu vel og lönduðu níu löxum á tveimur dögum þrátt fyrir mjög kalt veður og næturfrost.
Sporðaköstum lék forvitni á að vita hvort Þórarinn væri farinn að huga að nýrri vinnu, eftir að hann hætti hjá IKEA. „Það er komið haust og nú fer maður að kíkja í kringum sig.“
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |