Veiði | mbl | 24.9.2019 | 7:35 | Uppfært 8:45

„Erum bara í hamingjukasti“

Inga Lind alsæl og í hamingjukasti með stærsta birtinginn úr Tungulækl í haust. Ljósmynd/Aðsend

Vinkonurnar og veiðifélagarnir Inga Lind Karlsdóttir og Áslaug Hulda Jónsdóttir eru að veiða í Tungulæk. Það hljóp heldur betur á snærið hjá þeim í gær á fyrstu vaktinni. „Við erum búnar að vera hálfan dag og erum í miklu hamingjukasti. Við héldum að veiðisumarið væri búið,“ sagði Inga Lind í samtali við Sporðaköst.

Þær voru í hörkuveiði í gær og lönduðu þónokkrum birtingum. Inga Lind setti svo í og landaði 94 sentímetra sjóbirtingi. „Hann tók bleikan Nobbler og rétt í þann mund sem hann datt í háfinn brotnaði krókurinn.“

Þetta er stærsti sjóbirtingurinn sem landað hefur verið í Tungulæk í haust. Inga Lind og Áslaug voru virkilega sáttar með veiðina og af öllum fiskunum sem landað hefur verið var sá minnsti 74 sentímetrar.

Þegar fiskiurinn var að detta í háfinn brotnaði krókurinn. En hann náðist. Ljósmynd/Aðsend

„Það er svo gaman að fá svona bónus. Við héldum að veiðisumarið væri búið en svo bættum við stuttum túr við með vini okkar Theodóri Erlingssyni og vá, við sjáum ekki eftir því.“

Mikið vatn er í Tungulæknum en aðstæður góðar og áin tær.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.