Veiði | mbl | 3.10.2019 | 15:30 | Uppfært 4.10.2019 10:02

Besta laxveiðin per dagsstöng

Frá Efri Fossi í Selá. Í sumar gaf Selá bestu veiðina þegar miðað er við veiði á stöng á dag. 2,75 laxar var veiði á dagstöng. Gísli Ásgeirsson

Heildartala veiddra laxa í laxveiðiá segir ekki alla söguna um hvar mesta veiðivonin var í sumar. Þegar dæmið er reiknað niður á lax per stöng á dag skýrist myndin. Rangárnar eru ekki teknar hér inn, enda ekki komnar lokatölur. Samkvæmt þessum útreikningum Sporðakasta, sem byggja á tölum frá Landssambandi Veiðifélaga, þá var Selá sú á sem gaf bestu veiðina. Veiðimenn í Selá gátu búist við að fá 2,75 laxa á dag. Laxá á Ásum er ekki langt undan en þar var veiðin að meðaltali 2,24 laxar á dag.

Urriðafoss í Þjórsá var í efsta sæti í fyrra, en þar á bæ var erfitt ár sökum skilyrða í Þjórsá. Listinn er þannig uppbyggður að heildarveiði er skipt niður á stangafjölda í hverri á og svo deilt með 90. Þá fáum við út veiði á dagstöng. Til samanburðar er síðasti dálkurinn fyrir sumarið í fyrra þannig að auðvelt er að sjá breytingu milli ára.

Árnar á Vesturlandi koma illa út eins og áður hefur verið rakið og það er í raun bara árnar á Norð-Austurlandi sem eru betri en í fyrra.

Ljóst má vera að sumarið 2019 er eitt það lakasta í laxveiði eins langt aftur og elstu menn muna. Það breytir því þó ekki að víða lentu menn í ævintýrum.

Veiðisvæði Fjöldi laxa Stangir Á stöng Dagstöng Dagstöng

2019 2018

Selá í Vopnafirði 1.484 6 247 2,75 2,48

Laxá á Ásum 807 4 202 2,24 1,95

Urriðafoss 747 4 187 2,07 3,66

Miðfjarðará 1.606 10 161 1,79 3,02

Elliðaár 537 4 134 1,49 2,66

Svalbarðsá 476 4 119 1,32 1,02

Laxá í Dölum 695 6 116 1,29 1,99

Haffjarðará 651 6 109 1,21 2,86

Hofsá í Vopnaf. 711 7 102 1,13 0,86

Hafralónsá 377 4 94 1,05 0,56

Grímsá 687 8 86 0,95 1,44

Þverá/Kjarrá 1.133 14 81 0,90 1,95

Vatnsdalsá 477 6 80 0,88 0,92

Blanda 638 10 64 0,71 0,96

Laxá í Leirársveit 348 6 58 0,64 1,24

Langá 659 12 55 0,61 1,51

Víðidalsá 430 8 54 0,60 0,78

Haukadalsá 215 5 43 0,47 1,34

Mýrarkvísl 167 4 42 0,46 0,23

Laxá í Kjós 328 8 41 0,45 1,37

Norðurá 577 15 38 0,42 1,25

Hítará 203 6 34 0,37 1,07

Laxá í Aðaldal 501 17 29 0,33 0,39

Uppfært

Rétt er að taka fram að þessi listi byggir alfarið á tölum frá Landssambandi Veiðifélaga. Ekki er tekið tillit til þeirrar staðreyndar að í nokkrum ám er fjöldi stanga breytilegur yfir sumarið. Þannig byrja Miðfjarðará, Laxá í Dölum og Selá svo einhverjar séu nefndar með færri stangir í upphafi veiðitímans. Stöngum fjölgar svo þegar líður á.

Enn hafa ekki borist lokatölur frá öllum veiðisvæðum en listinn verður uppfærður þegar þær berast. Einnig á eftir að setja inn fleiri ár og listinn mun því lengjast áður en yfir lýkur.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.