Veiði á dagsstöng í bestu ánum

Lokatölur hafa nú birst úr öllum laxveiðiám. Þá er rétt að uppfæra lista yfir hvar besta veiðin var á dagstöng. Hér birtist lokaniðurstaða fyrir laxveiði sumarið 2019. Formúlan er í sjálfu sér einföld og er fjölda stanga deilt í heildarveiði og svo er deilt í þá tölu með fjölda veiðidaga. Ávallt er miðað við 90 daga.

Sturla Birgisson með einn af síðustu löxum sumarsins úr Laxá á Ásum. Þessi fornfræga á var með næst bestu veiðina á dagstöng sumarið 2019. Ljósmynd/Aðsend

Þá sést hvar veiðin var best á hverja dagstöng. Nú er búið að taka báðar Rangárnar inn í listann og þær lenda óvenju neðarlega þrátt fyrir fjölda fiska, enda eru margar stangir í þessum ám. Hér er farið í einu og öllu eftir tölum Landssambands veiðifélaga.

Fjöldi stanga í nokkrum ám er breytilegur. Sérstaklega ber þar að nefna Laxá í Dölum sem fyrri hluta sumars er veidd með fjórum stöngum og síðari hluta með sex. Sama á við Um Miðfjarðará en þar eru færri stangir framan af veiðitíma. Selá er líka með breytilegan stangafjölda. Þessar ár eru stjörnumerktar. Ekki er leiðrétt fyrir þessu í tölunum. Síðasti dálkur töflunnar sýnir veiði á dagsstöng í fyrra í sömu á.

Veiðisvæði                 Fjöldi laxa     Stangir        Á stöng    Dagst. Dagst.

                                                                                              2019       2018

Selá í Vopnafirði*          1.484             6               247           2,75         2,48

Laxá á Ásum                   807              4               202          2,24         1,95

Urriðafoss                       747              4               187          2,07         3,66

Laxá í Dölum*                 746              4               186          2,07         1,99

Rangá-eystri                 3.048            18               169          1,88         2,44

Miðfjarðará*                 1.606            10               161          1,79         3,02

Svalbarðsá                       476             3               159          1,76         1,02

Elliðaár                            537             4               134          1,49         2,66

Haffjarðará                      651              6               109          1,21         2,86

Hofsá í Vopnaf.                 711              7               102          1,13         0,86

Hafralónsá                       377              4                 94          1,05         0,56

Rangá-ytri                     1.675            18                 93          1,03         2,45

Grímsá                            687              8                 90           0,95         1,44

Þverá/​Kjarrá                  1.133            14                 81           1,00        1,95

Vatnsdalsá                       477              6                 80            0,88        0,92

Blanda                             638            10                 64            0,71        0,96

Laxá í Leirársveit              348              6                 58            0,64        1,24

Langá                              659            12                 55            0,61        1,51

Víðidalsá                          430              8                 54            0,60        0,78

Haukadalsá                      215              5                 43            0,47        1,34

Mýrarkvísl                        167             4                  42            0,46        0,23

Laxá í Kjós                       328              8                 41            0,45        1,37

Norðurá                           577             15                38            0,42        1,25

Hítará                              203               6                34            0,37        1,07

Laxá í Aðaldal                   501              17               29            0,33        0,39

Uppfært

Svalbarðsá færðist upp um eitt sæti, þar sem hún var reiknuð út frá fjórum stöngum. Hið rétta er að hún er veidd á þrjár stangir. Leiðréttist það hér með.

• Blogga um frétt

Seinustu hundraðkallar sumarsins