Veiði | mbl | 30.10.2019 | 10:42 | Uppfært 12:09

Leirvogsá aftur til SVFR

Brúarhylur í Leirvogsá er einn gjöfulasti staðurinn í ánni. Eftir þriggja ára aðskilnað er Leirvogsá aftur komin til SVFR. Morgunblaðið/Einar Falur

Sporðaköst greindu frá því fyrr í þessum mánuði að Lax-á ehf., fyrirtæki Árna Baldurssonar, hefði sagt sig frá samningi um leigu á Leirvogsá. Þar með var áin á lausu en hafði, áður en Lax-á tók hana á leigu, verið undir hatti Stangaveiðifélags Reykjavíkur. Í sömu frétt var greint frá því að líklegast væri að SVFR tæki ána aftur á leigu. Það er nú frágengið og greindi Stangaveiðifélagið frá þessu á heimasíðunni í dag. Þar segir:

„Leirvogsá er komin aftur til Stangaveiðifélags Reykjavíkur en gengið var frá undirritun samnings þess efnis nú á dögunum. Það má með sanni segja að þetta eru gleðifréttir fyrir félagsmenn og velunnara árinnar. Verið er að skoða veiðifyrirkomulag fyrir næsta sumar og verður það auglýst nánar síðar,“ segir í frétt SVFR.

Ástæðan fyrir því að Lax-á lét ána frá sér áður en samningur var útrunninn, var að sögn Árna Baldurssonar að lítið hefði verið af bæði fiski og vatni í ánni þau þrjú ár sem hún var í sölu hjá Lax-á.

Nú er Leirvogsá sem sagt aftur komin til SVFR.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.