Sporðaköst fara nú í vetrarfrí. Með hækkandi sól stefnum við að því að vera aftur hér á mbl.is. Þetta er heldur betur búið að vera viðburðaríkt sumar. Vatns- og fiskleysi stóð upp úr þegar kemur að laxinum. Silungsveiði var með eindæmum góð og sömu sögu er að segja af sjóbirtingi, sem dafnar vel þessi árin.
Sporðaköst fara nú að klippa það efni sem tekið var upp í sumar í nýrri seríu Sporðakasta sem sýnd verður á Stöð 2 í vor. Þar er á ferðinni öðruvísi nálgun en áður hefur verið. Gestir þáttanna eru allir erlendir veiðimenn og er þeirra upplifun á landi og þjóð afar áhugaverð.
Um miðjan nóvember munum við birta veiðimynd ársins og verðlauna myndasmiðinn með Sage X flugustöng frá Veiðihorninu.
Sporðaköst vilja þakka samstarfið við svo fjöldamarga aðila í sumar. Þar ber fyrst að þakka veiðimönnum sem voru duglegir að senda okkur myndir og upplýsingar. Þá var samstarfið við leigutaka oftast gott. Sporðaköst eru fyrir veiðimenn og um veiðimennsku hvers konar.
Þá ber að þakka mbl.is fyrir að gefa þessum efnisflokki svo veglegt pláss. Veiðihornið í Síðumúla var aðalstyrktaraðili verkefnisins og var það samstarf til fyrirmyndar. Þá ber einnig að þakka samstarfið við Heklu og Mitsubishi.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |