Orðið sprenging í kajaksportinu

Baldur Guðmundsson segir kajakinn gefa sér mikla möguleika, bæði á …
Baldur Guðmundsson segir kajakinn gefa sér mikla möguleika, bæði á sjó og í vatnaveiðinni. Ljósmynd/Ásgeir

Sífellt fleiri veiðimenn hafa fjárfest í kajak síðustu ár. Slíkur farkostur gefur mikla möguleika og mikið frelsi. Síðustu daga í blíðunni hefur mátt sjá veiðimenn á hverjum degi í Kollafirði að gera ágæta veiði í þorski.

Baldur Guðmundsson leiðsögumaður og félagi hans Ásgeir Jónsson fóru með sjóstangir á kajökunum sínum í leit að þorski í Kollafirði um helgina. Þar voru saman komnir um tíu kajakveiðimenn og gerðu góða veiði í firðinum.

„Innan um voru boltafiskar og við vorum að fá hörku tökur og viðureignir. Þessir stóru þorskar eru svo sterkir. Menn voru að gera góða veiði þarna og þetta var hörku gaman.“

Hulda Ösp Atladóttir með einn af mörgum þorskum sem þau …
Hulda Ösp Atladóttir með einn af mörgum þorskum sem þau hjónin veiddu og gerðu fiskibollur úr. Ljósmynd/BG

Baldur fjárfesti í SOT (sit on top) kajak frá Ósnum á Akranesi í fyrra og borgaði fyrir hann um 330 þúsund krónur. Með í þeim pakka voru allir öryggis og aukahlutir að ógleymdu litlu fiskleitartæki. Bátur Baldurs er með pedaladrifi en hann segir að kostnaðurinn lækki um hundrað þúsund ef menn sleppa því og nota ár í staðinn.

„Þetta er tólf feta kajak og hentar mér mjög vel bæði í vatnaveiðina og einnig í sjóstöngina. Ég fer aldrei út nema í þurrgalla og með björgunarvesti.

Veiðin í Kollafirðinum hefur verið góð á degi hverjum er …
Veiðin í Kollafirðinum hefur verið góð á degi hverjum er þar að sjá allt að tíu kajaka. Ljósmynd/Aðsend

Það hefur orðið sprenging í þessu sporti síðust árin. Þetta gefur líka svo margs konar möguleika í útvist og veiði,“ sagði Baldur í samtali við Sporðaköst.

Þetta eru líka mikil búdrýgindi. Baldur og eiginkona hans Hulda Ösp Atladóttir fóru saman á sjó um daginn og skiptust á að veiða. „Hún veiddi miklu meira en ég. En þegar heim var komið gerðum við fiskibollur úr aflanum og þær urðu samtals um 200 talsins. Bíða nú í frysti.“ 

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert