Stjórn Stangaveiðifélags Reykjavíkur tilkynnti í dag að allir félagsmenn fái 10.000 króna gjafabréf sem nýtist við kaup á veiðileyfum á ársvæðum félagsins á tímabilinu 10. - 25. maí.
Elliðaárnar eru þó undanskyldar og ekki er hægt að nýta gjafabréfið til lækkunar á veiðileyfum sem þegar hafa verið keypt.
Þá tilkynnti stjórnin einnig að inntökugjöld í félagið verði felld niður til 25. maí.
Í frétt sem SVFR hefur sent frá sér vegna þessa, segir: „Með gjafabréfinu og niðurfellingu inntökugjalda vill félagið koma til móts við félagsmenn sem hafa vafalaust ekki farið varhluta af ríkjandi samfélagsaðstæðum. Það er heldur ekkert launungarmál að ástandið kemur illa við Stangaveiðifélag Reykjavíkur en unnið er að því að koma félaginu klakklaust í gegnum storminn. Starfsmenn og stjórn er fullviss um að það takist, ekki síst ef félagsmenn leggjast á árar með félaginu. Hagsmunir félagsmanna og Stangaveiðifélagsins eru samofnir og því nýtist það sem hér hefur verið kynnt báðum vel.“
Allar nánari upplýsingar um útfærsluna og hvernig nota á gjafabréfið er að finna á heimasíðu SVFR og á facebook siðu félagsins.
SVFR býður upp á mörg áhugaverð veiðisvæði í silungi, laxi og sjóbirtingi. Hér gæti einnig verið kjörið tækifæri fyrir áhugasama sem vilja næla sér í afslátt að ganga í félagið og kanna hvaða veiðisvæði eru í boði.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |