Fyrstu laxarnir komnir á land í Þjórsá

Stefán Sigurðsson og Matthías sonur hans með fyrsta lax sumarsins …
Stefán Sigurðsson og Matthías sonur hans með fyrsta lax sumarsins sem Stefán veiddi við Urriðafoss laust fyrir klukkan hálf átta í morgun. mbl.is/Einar Falur

Laxveiðitíma­bilið hófst form­lega í morg­un þegar veiði hófst í Þjórsá. Um klukk­an níu í morg­un voru fimm lax­ar komn­ir á land í Urriðafossi. At­hygli vakti að einn smá­lax var í afl­an­um, en hinir fjór­ir voru fal­leg­ir hefðbundn­ir stór­lax­ar.

Stefán Sigurðsson leigutaki svæðisins við Urriðafoss veiddi fyrsta laxinn, fyrir klukkan hálf átta í morgun. Hann fagnaði þegar fyrsti lax sumarsins var kominn í háfinn hjá Matthíasi syni hans. Um leið var fiskur á hjá hinni stönginni, hjá feðgunum Hauki Hlíðkvist Ómarssyni og Hrafni syni hans.

Feðgarnir Haukur Hlíðkvist Ómarsson og Hrafn Hlíðkvist með 89 cm …
Feðgarnir Haukur Hlíðkvist Ómarsson og Hrafn Hlíðkvist með 89 cm lax sem þeir veiddu í morgun og slepptu að myndatöku lokinni. mbl.is/Einar Falur

Einar Haraldsson bóndi á Urriðafossi var á bakkanum, ræddi við blaðamann Morgunblaðsins sem var þar og gladdist við að sjá fallegum löxum landað.  Einar spáði mjög góðum göngum í Þjórsá í sumar og góðri veiði en Einar samdi fyrir þremur árum við Stefán og Hörpu Hlín Þórðardóttur konu hans um að taka upp netalagnirnar við Urriðafoss og að þau seldu þar þess í stað stangveiðileyfi sem hafa notið mikilla vinsælda.

Þjórsá er vatns­mik­il og bólgin en nokkuð er síðan fystu lax­arn­ir sáust í Urriðafossi. Fisk­fræðingar hafa spáð góðum smá­laxa­göng­um á Suður- og Vest­ur­landi í sum­ar og þessi smá­lax sem veidd­ist í morg­un er óvenjusnemma á ferðinni og gef­ur góð fyr­ir­heit. 

Fréttin hefur verið uppfærð.

Einar Haraldsson bóndi á Urriðafossi með leigutökunum, hjónunum Hörpu Hlín …
Einar Haraldsson bóndi á Urriðafossi með leigutökunum, hjónunum Hörpu Hlín Þórðardóttur og Stefánsi Sigurðssyni, við Urriðafoss í morgun. mbl.is/Einar Falur
mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert