Fimm laxar voru komnir á land úr Norðurá klukkan rúmlega tíu í morgun. fjórir þeirra veiddust á Stokkhylsbrotinu og voru þar að verki veitingamaðurinn Nuno og Jón Þorsteinn. Laxarnir voru dæmigerðir vorlaxar og hvítari en allt sem hvítt er. Þeir voru lúsugir með halalús.
Helgi Björnsson og kona hans Vilborg Halldórsdóttir urðu fljótlega vör við fisk á stöðunum neðan við Laxfoss. Það var svo Vilborg sem setti í fallegan fisk og lenti í miklum eltingaleik og landaði hún þessum fiski nokkru neðar eða á Bryggjunum. Helgi hafði lýst því yfir í veiðihúsinu að Vilborg myndi fá fisk á undan sér og það varð raunin. Fiskurinn hennar Vilborgar tók rauðan Elliða á Brotinu.
Víða hefur sést fiskur á stöðunum fyrir neðan Laxfoss og reif Helgi Björns út úr einum í Konungsstreng.
Þorsteinn Stefánsson var leiðsögumaður með Vilborgu.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |