Laxá vaknar - sjö komnir í opnun

JAX, eða Jón Axel með 81 sentímetra lax sem hann …
JAX, eða Jón Axel með 81 sentímetra lax sem hann landaði í gær á Mjósundi í Laxá. Ljósmynd/Aðsend

Jón Axel Ólafsson, morgunþáttastjórnandi á K100, er mættur í Aðaldalinn. Hann er einn stjórnanda þáttanna Ísland vaknar á útvarpsstöðinni og það má svo sannarlega segja að nafn þáttarins hafi höfðað til Laxár. 

Slepping. Þessi fékk að synda áfram eftir stutt kynni. Nú …
Slepping. Þessi fékk að synda áfram eftir stutt kynni. Nú eftir hádegi opnar svæðið í Nesi í Laxá í Aðaldal. Ljósmynd/Aðsend

Sjö laxar eru nú komnir úr hollinu og er það mörgum léttir eftir fyrsta dag sem var laxlaus. Jón Ólafsson var í gær neðan við Æðarfossa og í framhaldinu fór hann upp fyrir og landaði á Mjósundi 81 sentímetra fiski. Eins myndin ber með sér er Jón Axel hamingjan uppmáluð. Laxinum var sleppt að lokinni viðureigninni.

Stærsti laxinn úr Laxá í Aðaldal til þessa er 94 sentímetrar. 

Nessvæðið í Laxá í Aðaldal opnar eftir hádegi. Nesveiðar, eins og svæðið er gjarnan kallað er án efa mesta stórlaxasvæði landsins. Í fyrra veiddust þar á þriðja tug laxa sem náðu 100 sentímetrum.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert