Settu í átta laxa á ómerktum stað

Svakalegur hængur. Ásgeir Heiðar mældi ekki lengd en þeim félögum …
Svakalegur hængur. Ásgeir Heiðar mældi ekki lengd en þeim félögum bar saman að fiskurinn hefði náð því að vigta 20 pund eða meira. Honum var sleppt að lokinni myndatöku. Ljósmynd/Bjarni Júlíusson

Ævintýrið í Eystri Rangá heldur áfram. Þeir Ásgeir Heiðar og Bjarni Júlíusson er við veiðar þar núna. Þeir voru að aka milli veiðistaða í morgun þegar Ásgeir Heiðar bað Bjarna um að stoppa. „Þetta er staðurinn,“ sagði Ásgeir. Þeir tóku nokkur köst og settu strax í lax. Þeir skiptust á og voru búnir að landa sitt hvorum þremur þegar Ásgeir setti í fisk sem tók hann klukkutíma að slást við. „Það fór allt of mikill tími í þennan fisk. Hann lagðist bara og þumbaðist og þó að ég væri með allt í keng allan tímann tók þetta klukkutíma. Ég var alveg við það að nenna þessu ekki lengur,“ sagði Ásgeir Heiðar í samtali við Sporðaköst í hádeginu. Rétt fyrir klukkan eitt setti Bjarni svo í áttunda fiskinn á sama stað.

Hvað var hann langur?

„Ég mældi hann ekki, bara sleppti honum. En klárlega er þetta fiskur sem nær 20 pundum því hann var svo svakalega þykkur. Hef bara ekki veitt svona öflugan lax fyrr á Íslandi,“ sagði Ásgeir Heiðar.

Bjarni Júlíusson vottaði að þessi fiskur hefði náð tuttugu plús. Hann deildi mynd af Ásgeiri með þennan flotta fisk.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert