Þriðji „hundraðkallinn“ veiddist í Blöndu í dag. Það var veiðimaður sem verður 90 ára eftir þrjár vikur sem setti í þennan flotta fisk og landaði honum.“ Veiðimaðurinn er sjálfur bráðum hundraðkall, en hann vantar aðeins þrjár vikur í nírætt.

Fiskurinn veiddist í efri hluta Blöndu í Kvíslármótum og var viðureignin snörp. Í þrígang fór fiskurinn langt niður á undirlínu en Tom Tynan hélt ró sinni og landaði þessum fiski eftir mikla baráttu.

Höfðingjanum sleppt. Þetta var mögnuð viðureign og í þrígang fór hann langt niður á undirlínu, en þeir skildu sáttir. Ljósmynd/Aðsend

Það vekur athygli að þetta er þriðji hundraðkallinn í Blöndu í sumar og einungis Nesveiðar státa af slíku, en þar hafa veiðst þrír fiskar í þessum flokki.

Tom er frá Írlandi og var með leiðsögumann með sér í þessu ævintýri og var það Sverrir Þór Skaftason. 

Þetta er ekki stærsti fiskur sem Tom hefur landað, en sá fyrsti í sumar og gleðin var ósvikin. Fiskurinn var mældur marg sinnis til að staðfesta að hann næði 100 sentímetrum og það gerði hann.

Tengdar fréttir

Hundraðkallar

Tárfelldi þegar kassinn var opnaður

• Tröllin sem ekki veiddust og eftirpartý
• Katrín Tanja landaði þeim stærsta
• Stærsti lax úr Grímsá í áratugi
• Hundraðkallarnir hrúgast inn

» Fleiri tengdar fréttir

• Blogga um frétt

Seinustu hundraðkallar sumarsins