Veiði | mbl | 11.7.2020 | 23:16

Aftur metdagur í Eystri Rangá

Einn af mörgum stórlöxum sem var landað í Eystri Rangá í dag. Metið í gær var slegið. Samtals hafa þessir tveir dagar gefið 325 laxa. Þessi veiðimaður, Charles Pearson er kominn með 44 laxa eftir tvo og hálfan dag. Ljósmynd/Aðsend

Aftur var metdagur í Eystri Rangá. Í dag komu á land 176 laxar. Í gær voru þeir 149 og hafa ekki verið fleiri í tólf ár. Dagurinn í dag sló það met. Leiðsögumenn og veiðimenn sem Sporðaköst ræddi við í dag voru sammála um að veiðin væri: „Ævintýraleg, Svakaleg, Rugl,“ og fleiri sambærileg orð voru notuð til að lýsa stöðunni.

Enn einn fiskurinn. Samtals fengu þeir félagar 28 laxa á stöngina í dag. Ljósmynd/Aðsend

Veiðimenn hættu klukkan hálf níu í kvöld og eins og einn leiðsögumaðurinn orðaði það, „Sem betur fer,“ sagði Reynir M. Sigmundsson í samtali við Sporðaköst. Hlutfallið af stórlaxi er gott og veiddust mjög margir laxar á bilinu 90 til 98 sentímetrar. Ef fram heldur sem horfir er Eystri Rangá fara í áhugaverða tölu. Eins og áður hefur verið skrifað er þessi tími töluvert fyrr en vanalegi besti tími árinnar.

Eins og einn leiðsögumaður sagði í samtali við Sporðaköst, „Áin bókstaflega kraumar. Þetta er nánast vitleysa.“

Svo eiga menn eftir að bóka þetta og það tekur tíma þegar þarf að skrifa hátt í sjö blaðsíður í veiðibókina, en síðan tekur 25 laxa.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.