Laxveiðin afar misjöfn eftir landshlutum

Adam Fijalkowski með glæsilegan lax úr Eystri. Þetta er maríulaxinn …
Adam Fijalkowski með glæsilegan lax úr Eystri. Þetta er maríulaxinn hans og gullfallegt eintak. Ríflega níu hundruð laxar veiddust í ný liðinni viku. Ljósmynd/Aðsend

Nýjar veiðitölur eru áhugaverðar. Sú mynd sem er að teiknast upp sýnir meðal annars að laxveiðinni er afar misskipt milli landshluta. Þannig er Suðurlandið að koma vel út með Eystri Rangá í broddi fylkingar en þar var mok veiði í síðustu viku og er komnir þar á land 1,575. Vikuveiðin í Eystri var ríflega níu hundruð laxar. Á eftir Eystri sem trónir með mikla forystu á toppnum, kemur Urriðafoss í Þjórsá með 633 laxa. Þá eru ekki talin önnur svæði í Þjórsá. 

Ytri Rangá sýnir mikil batamerki og þar veiddust 250 laxar í síðustu viku og stekkur hún upp fyrir Norðurá og fer í þriðja sætið. 

Norðurá veldur vonbrigðum en þar er nú há punktur veiðitímans en veiðin í síðustu viku var ekki nema ríflega 70 laxar.

Einnig er ástandið dauft í Þverá/Kjarrá en þar veiddust 73 laxar í síðustu viku. Hún er í fimmta sæti með 348 laxa. Margar Borgafjarðarárnar og einnig á Vesturlandi og NV landi eru ekki að skila þeirri veiði sem vonast var eftir. Fyrir norðan er hins vegar horft til þess að nú er stækkandi straumur og er hefð fyrir því að þessi straumur á að skila stærstu göngunum. Miðfjarðará er að hrökkva í gang og hefur veiðin verið stígandi. Vikuveiðin var 160 laxar sem nánast tvöfaldar heildartöluna og fer í 337 laxa í sjötta sæti.

Haffjarðará er í sjöunda sæti með 316 laxa, þá kemur Langá með 275 laxa í áttunda sæti. Laxá í Kjós er komin yfir 200 laxa í níunda sæti. Tíunda sætið skipar Laxá á Ásum með 188.

Í næstu sætum þar á eftir eru þær Vopnafjarðarsystur, Selá og Hofsá með 137 laxa og 185 sú síðarnefnda. Þær er fulltrúar NA lands og fara ágætlega af stað. Þessar tölur birtast vikulega á heimasíðu Landssambands veiðifélaga, angling.is.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert