Gæsaveiðitímabilið hefst á morgun, hinn 20. ágúst. Mörgum skotveiðimanninum finnst það hin formlega opnun á skotveiðitímabilinu þó svo að hreindýraveiðar séu hafnar fyrir nokkru og standi nú sem hæst.
Flestir veiðimenn sem byrja snemma tímabils hefja veiðar á hálendinu eða á heiðum uppi og eru þá oftar en ekki að eltast við heiðagæsina. Þegar kólnar og gæsin fer að sækja í korn og ræktað land færist veiðin yfir í fyrirsát og þá er grágæsin víða alls ráðandi.
Veiðimenn ættu að hafa í huga að vera alltaf með á sér veiðikort og byssuleyfi svo hægt sé að sýna þessi skilríki á veiðislóð.
Mjög hefur fjölgað síðustu ár í heiðagæsastofninum, hins vegar benda tölur frá Bretlandi til þess að grágæsastofninn hafi heldur gefið eftir í ár. Talningarverkefni þar í landi bendir til þess að henni hafi fækkað milli ára.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |