Hvetja til hóflegrar veiði á grágæs

Fyrstu dagar gæsaveiðinnar byrja rólega endur veðuraðstæður ekki upp á það besta fyrir gæsaveiði. Logn víða og sól. Formaður SKOTVÍS tekur undir þetta en félagið vill koma því á framfæri til veiðimanna að veiða hóflega af grágæs þessa vertíð. 

„Við viljum benda veiðimönnum á að samkvæmt talningum í Bretlandi er grágæsin í niðursveiflu þannig að við skorum á veiðimenn að veiða hóflega af henni í haust á meðan við fáum nánari fregnir.

SKOTVÍS er í samstarfi við dr. Arnór Þóri Sigfússon um gæsarannsóknir og styrkti nýverið GPS merkingu á einum kvenfugli. Við munum fylgjast með henni en hún hlaut nafnið HJÖRDÍS. Heiðagæsin er hinsvegar í risastórri uppsveiflu á sögulegum tíma og mætti veiðiálag á henni aukast til muna. Vísbendingar eru uppi um að slíkur þéttleiki geti gengið afar nærri viðkvæmri gróðurþekju á hálendinu,“ sagði Áki Ármann Jónsson formaður SKOTVÍS í samtali við Sporðaköst.

• Blogga um frétt

Seinustu hundraðkallar sumarsins