Ótrúlegur höfðingi veiddist í dag í Langhyl í Laxá á Ásum í dag. Þetta var kolleginn hængur sem tók Svarta Frances kón. Jón Þór Einarsson slóst við þennan magnaða hæng í tæpa klukkustund.
Þetta er annar hundraðkallinn sem veiðist í Ásunum í sumar. Raunar segir Sturla Birgisson að enn stærri fiskur hafi verið að sýna sig í Langhyl í sumar.
Fyrri hundraðkallinn veiddist 6. ágúst og var þar að verki Chris Warne og tók sá fiskur Green But númer 14. Voru sagðar fréttir af þeirri veiði. Töluvert hefur veiðst af löxum sem eru rétt undir 100 sentímetrunum í Ásunum í sumar.
Laxinn sem Jón Þór landaði eftir þessa löngu viðureign mældist hvorki meira né minna en 103 sentímetrar og er þar með einn af stærstu löxunum sem hafa veiðst á Íslandi í sumar.
Nú styttist í svokallaðan krókódílatíma þegar þegar stóru hængarnir verða árásargjarnari og eiga til að taka flugur. Þetta eru fiskar sem gengu jafnvel snemma en hafa legið límdir við botninn. Þegar nálgast hrygningu verða þeir grimmir og slást við allt og alla og þá geta þeir tekið flugur veiðimanna.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |