Mikil pappírsvinna í kringum laxveiðina

Mörgum veiðimönnum finnst ákveðinn sjarmi yfir því að skrá afla í veiðibók í veiðihúsi að loknum degi. Hluti af þessu er að miðla upplýsingum til þeirra sem á eftir koma og byrja menn gjarnan á að opna veiðibókina og skoða hvað hefur verið að gerast og hvar.

Það er hins vegar lítill sjarmi yfir því að skrá hátt í þrjú hundruð laxa á eina og sama kvöldinu. Þetta hefur gerst ítrekað í Eystri Rangá þar sem veiðin hefur náð hæðum sem ekki hafa fyrr sést þar á bæ.

Bók dagsins klár að taka á móti fleiri löxum. Gunnar Skúli Guðjónsson, yfirleiðsögumaður sagði hafa verið fremur rólegt í gær. Komu 148 laxar og með þeim skilaboðum fylgdi broskarl. Ljósmynd/GSG

Hver bók tekur þúsund laxa og nú er verið að fylla þá sjöundu. Ljóst er að fleiri bækur þarf og er ómögulegt að segja hversu hár staflinn verður í haust. Veiðin róaðist hefur í gær og komu á land 148 laxar í Eystri.

Skriffinnskan stendur oft langt fram á kvöld þegar stærstu dagarnir hafa komið.

Hér má sjá sumarið eins og það hefur verið skráð. Sjötíu veiðidagar að baki og bókin er að duga að meðaltali í tíu daga. Ljósmynd/GSG

Flestar laxveiðiárnar munu komast af með eina bók í sumar en ljóst að nokkrar munu þó fara vel af stað með bók númer tvö og Ytri Rangá þarf örugglega þrjár bækur ef að líkum lætur.

• Blogga um frétt

Seinustu hundraðkallar sumarsins