Stærsti laxinn til þessa veiddist í kvöld

Þetta er stærsti lax sem veiðst hefur á Íslandi í …
Þetta er stærsti lax sem veiðst hefur á Íslandi í sumar. Veiðimaðurinn Ingólfur Davíð er handstór maður en nær ekki utan um stirtluna. Ljósmynd/Aðsend

Stærsti lax sumarsins til þessa veiddist í kvöld. Þar var að verki Ingólfur Davíð Sigurðsson og vettvangurinn var Vaðhvammur í Vatnsdalsá. Ingólfur Davíð er þekktur stórlaxahvíslari og hefur landað 115 sentímetra laxi í Vatnsdalsá. Það var sumarið 2006.

„Ég var í Vaðhvammi og Þetta var eins og Dauðahafið.Ég hafði ákveðið að veiða bara þennan hyl. Var svo búinn að fara þrjár umferðir yfir hylinn og þá loksins fór hann að hreyfa sig og á endanum tók hann. Hann tók eins og smálax. Reyndi þrisvar og hitti í fjórðu tilraun í sama reki. Þetta var ótrúleg taka. Hann lagðist í sjö mínútur og svo byrjaði ballið. Hann tók svakalegar rokur og stökk. Ég var með silungaprik og flotlínu og átta punda taum. Samt tók þetta ekki nema tæpar fjörutíu mínútur.“

Tveir kátir. Þessi hængur tók einkræku númer tíu í Vaðhvammi …
Tveir kátir. Þessi hængur tók einkræku númer tíu í Vaðhvammi í Vatnsdalsá. Ljósmynd/Aðsend

Ingólfur Davíð og félagar mældu þennan hæng og mælingin sagði 108 sentímetrar. Það gerir hann að stærsta laxi sem veiðst hefur á Íslandi í sumar. Fram til þessa hafa tveir 107 sentímetra laxar veiðst, í Nesi og í Jöklu. Þessi hængur slær þá út.

Ingólfur Davíð sleppir laxinum. Hann veiddi árið 2006 115 sentímetra …
Ingólfur Davíð sleppir laxinum. Hann veiddi árið 2006 115 sentímetra lax í Vatnsdalsá. En þetta var æðislegt sagði hann. Ljósmynd/Aðsend

En hver er lykillinn að því að veiða stórlaxa Ingólfur?

„Hjá mér er það að veiða á flotlínu og litlar flugur. Bara leita að þeim stóra. Þetta eru ekki mikil vísindi. En muna að láta túpurnar eiga sig,“ sagði kátur veiðimaður í samtali við Sporðaköst skömmu eftir að hafa landað þessum flotta hæng.

Já heyrðu, hvað tók hann?

„Hann tók einkrækju, Black and Blue númer tíu.“

Þetta er annar hundraðkallinn sem veiðist í Vatnsdalnum á jafn mörgum dögum.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert