26 birtinga dagur í Kjósinni

Aron Sigurþórsson með fallegan sjötíu sentimetra birting úr Káranesfljóti í …
Aron Sigurþórsson með fallegan sjötíu sentimetra birting úr Káranesfljóti í Laxá í Kjós. Ljósmynd/EH

Sjóbirtingsveiði er hafin í Laxá í Kjós. Í hlýindum gærdagsins gerðu nokkrar stangir hörkuveiði. Samtals var 26 birtingum landað og það á hefðbundnum stöðum eins og Káranesfljóti, Álabökkum, Mosabreiðu og Baulunesfljóti.

Einn þeirra sem var við veiðar í gær var Aron Sigurþórsson ásamt félaga sínum, Einari Hermannssyni. Þeir lönduðu níu birtingum á stöngina. Eins og oft er á þessum tíma voru fiskarnir í misjöfnu holdafari. Allt frá því að vera í góðum holdum yfir í það að vera skemmra á veg komnir.

Hver er ekki að bíða eftir þessari stöðu?
Hver er ekki að bíða eftir þessari stöðu? Ljósmynd/EH

„Stærsti sem við lönduðum var 79 sentimetrar. Þessir fiskar voru bæði að taka straumflugur og púpur. Við vorum að fá á Black Ghost og Dýrbít. Í púpunum vorum við með Pheasant Tail, Squirmy og púpur sem ég hef hnýtt og heita svo sem ekkert,“ sagði Aron í samtali við Sporðaköst.

Einar Hermannsson á góðri stundu í gær með Kjósarbirting.
Einar Hermannsson á góðri stundu í gær með Kjósarbirting. Ljósmynd/AS

Laxá í Kjós er ein af þeim ám þar sem sjóbirtingurinn hefur verið að taka hressilega við sér og veiðistaðirnir sem nefndir eru hér að ofan eru klassískir sjóbirtingsstaðir í Laxá.

Nýr leigutaki hefur tekið við Laxá í Kjós en það er Haraldur Eiríksson. Áður var Hreggnasi ehf. með Kjósina á leigu.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert