Fyrsta laxinum úr Blöndu var landað nú fyrir skemmstu. Grálúsug 82 sentímetra hrygna tók fluguna hjá Ársæli Bjarnasyni. Hann og Reynir félagi hans, sem Sporðaköst hafa verið að fylgjast með í opnuninni, voru að veiða Damminn að sunnanverðu þegar þessi flotta hrygna tók.
Reynir sá um að háfa laxinn og sagði í samtali við Sporðaköst að þetta hefði verið skemmtileg upplifun. „Þessi hrygna er bara nýkomin úr sjó og hefur komið inn á morgunflóðinu. Vonandi fer þetta nú að glæðast og alltaf gaman að sjá svona flotta vorfiska,“ sagði Reynir.
Opnunarhollinu lýkur ekki fyrr en á morgun, þannig að enn er tími til að ná fleiri fiskum ef hann er að ganga. Þeir félagar höfðu áður sett í og misst þrjá laxa.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |