Samkvæmt áreiðanlegum heimildum Sporðakasta er Veiðifélag Grímsár og Tunguár og Hreggnasi ehf á lokametrunum að ganga frá samningi um áframhaldandi leigu Hreggnasa á þessari fallegu laxveiðiá.
Hreggnasi hefur haft ána á leigu frá árinu 2004. Veiðirétturinn sem boðinn var út í síðasta mánuði átti að vera til fimm ára eða til og með 2026.
Sá samningur sem nú er í smíðum nær til lengri tíma en ekki hefur fengist staðfest til hversu langs tíma.
Fjórir aðilar sendu tilboð í veiðiréttinn þegar tilboð voru opnuð um miðjan síðasta mánuð og voru mörg frávikstilboð sem bárust frá bjóðendum. Í framhaldi af útreikningum á tilboðum, ákvað stjórn veiðifélagsins að ganga til samninga við Hreggnasa og eru þær samningaviðræður eins og fyrr segir á lokametrunum.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |