Fyrsti laxinn veiddist í Mýrarkvísl í dag. Falleg 75 sentímetra hrygna veiddist í Nafarhyl, sem er veiðistaður númer 26. Meðal þeirra sem voru við veiðar í dag var leigutakinn Matthías Þór Hákonarson og það var einmitt hann sem landaði fyrsta laxinum.
Þeir félagar urðu varir við lax í veiðistað númer 15. „Kom upp í flugu hjá makkernum en hékk ekki á,“ segir Matthías á facebooksíðu sinni.
Þetta er óvenju snemmt fyrir fyrsta laxinn í Mýrarkvísl enda flokkast hún sem hefðbundin síðsumarsá.
Þá greinir Stangaveiðifélag Reykjavíkur frá því að fyrsti nýgengni sjóbirtingurinn á þessari vertíð hafi veiðst í Varmá hinn 13. júní. Það var Sigurður Þór Einarsson sem landaði honum á Stöðvarbreiðu og mældist hann 75 sentímetrar. Haft er eftir Sigurði að hann hafi verið með hjartað í buxunum, enda með púpu númer 14 og átta punda taum. En þetta hafðist.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |