Tímamótasamningur um leigu á Grímsá

Tímamótasamningur um veiðirétt í Grímsá var undirritaður í dag, milli Veiðifélagsins Hreggnasa og Veiðifélags Grímsár og Tunguár til næstu tíu ára.

Í fréttatilkynningu frá samningsaðilum segir meðal annars:

„Grímsá og Tunguá eru meðal mestu laxveiðiáa landsins, en samstarf þessara aðila nær allt til ársins 2004 þegar Hreggnasi tók við sölu veiðileyfa af landeigendum sjálfum. Um er að ræða eitt allra lengsta viðskiptasamband milli leigutaka og veiðifélags á Íslandi. Grímsá í Borgarfirði hefur langa samfellda sögu stangaveiða, en þær ná aftur til ársins 1862, þegar enskir veiðimenn fóru að venja þangað komur sínar. Meðalveiði sl. 20 ára eru um 1.300 laxar á ári, en við ána stendur eitt glæsilegasta veiðihús landsins.

Á samningstímanum verður ráðist í verulegar endurbætur á veiðihúsinu Fossási og aðstaða gerð enn glæsilegri og aukið verður við fiskrækt með margvíslegum hætti.“

Sporðaköst greindu nýverið frá því að þessi samningur væri í burðarliðnum og í dag var hann undirritaður. Það er því ljóst að Hreggnasi heldur áfram sem leigutaki Grímsár.

• 1 blogg um fréttina

Bloggað um fréttina

• Jóhannes Ragnarsson: Tímamótasamningur til lausnar deilu frægra hjóna

Seinustu hundraðkallar sumarsins