Fyrsti hnúðlaxinn kominn á land

Hnúðlaxahrygnan sem veiddist í gær á silungasvæði Vatnsdalsár. Doppur á …
Hnúðlaxahrygnan sem veiddist í gær á silungasvæði Vatnsdalsár. Doppur á sporði sjást mjög greinilega. Fleiri hnúðlaxar sáust. Ljósmynd/Aðsend

Veiðimenn á silungasvæði Vatnsdalsár lönduðu hnúðlaxi í gær. Fyrst í stað töldu þeir að um bleikju væri að ræða en doppur á sporðinum staðfestu að um hnúðlax var að ræða. Björn K. Rúnarsson staðfesti í samtali við Sporðaköst að danskir veiðimenn hefðu landað fiskinum og upplýsti að þeir hefðu séð fleiri.

Sporðaköst hafa greint frá því að von sé á miklu magni af hnúðlaxi í íslenskar veiðiár í sumar. Lífsferill hnúðlaxins er tvö ár og er um að ræða tvo óskylda stofna en það er stofninn sem kenndur er við oddatöluárið, sem virðist hafa náð uggafestu á Íslandi, og nokkur staðfest dæmi eru um að hrygndar hnúðlaxahrygnur hafi fundist í íslenskum á.

Danski veiðimaðurinn með fyrsta hnúðlaxinn sem vitað er um að …
Danski veiðimaðurinn með fyrsta hnúðlaxinn sem vitað er um að veiðist í sumar. Fyrst hélt hann að þetta væri bleikja en síðar var staðfest að þetta er hnúðlax og þeir sáu fleiri. Ljósmynd/Aðsend

Hafrannsóknastofnun hefur lýst því yfir að búast megi mikilli aukningu í ár. Árið 2017 kom hnúðlax í nokkru magni en tveimur árum síðar, eða 2019, voru færðir til bókar á þriðja hundrað slíkir fiskar úr hinum ýmsu ám.

Guðni Guðbergsson, sviðsstjóri hjá Hafrannsóknastofnun, býst við mikilli aukningu í sumar og staðfestist í vor að hnúðlaxinn væri kominn að Íslandsströndum og veiddist hann í flottroll úti fyrir Austfjörðum.

Nú er staðfest að fyrsti hnúðlaxinn er veiddur og sést hefur til fleiri í Vatnsdalsá. Viðbúið er að fleiri slíkar tilkynningar berist á næstu dögum frá hinum ýmsu veiðiám.

Rétt er að ítreka við veiðimenn að auðveldasta leiðin til að greina hnúðlax er að skoða sporðinn. Hnúðlaxinn er með svartar doppur á sporðinum og þekkist á því. Mikilvægt er að tilkynna um slíka veiði. 

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert