Sveinn Jónsson, þrettán ára gamall veiðisnillingur sem býr á Egilsstöðum, setti heldur betur í flottar fjallableikjur á dögunum. Hann er hér með tvær glæsilegar kusur, eins og stórar bleikjur eru gjarnan kallaðar. Hann veiddi þær í á inni á hálendinu fyrir austan. Hann vill ekki gefa upp staðsetningu svo þar fyllist ekki allt af veiðimönnum og gangi mögulega nærri þessari perlu.
Það er ekki mikið af bleikju í ánni en hún getur orðið mjög stór. Bleikjurnar sem myndirnar eru af, eru 62 og 65 sentímetrar. Báðum var sleppt eftir æsilega baráttu. Önnur bleikjan tók Black Ghost en hin litla púpu, andstreymis með tökuvara. Græjurnar eru í léttari kantinum eða 10 feta Sage fyrir línu #4.
Sveinn sagði í samtali við Sporðaköst að hann hefði verið mjög lengi með stærri bleikjuna. Sennilega einar tuttugu mínútur. Sporðaköst óska honum til hamingju með þessa verðugu fulltrúa fjallableikjunnar. Báðum var þeim sleppt eftir myndatöku.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |