Miðfjarðará fór í þúsund laxa i dag. Grannt var fylgst með hver fengi þúsundasta laxinn, en tveir veiðimenn settu í laxa á svipuðum tíma og erfitt að meta hvor var númer þúsund.
Laxarnir veiddust í Austurá. Annar við Skárastaðabrú og hinn töluvert neðar eða í Neðri-Hlaupum. Báðir voru smálaxar og hefur uppistaða veiðinnar i Miðfirði verið smálax, eins og víða í sumar. Eins og við bar búist var minna um stórlax í sumar, þar sem smálax í fyrra var af skornum skammti. Hins vegar bendir þessi mikla smálaxagengd í ár til þess að næsta vor verði víða spennandi með tilliti til stórlaxa.
Í fyrra endaði Miðfjarðará í 1.725 löxum og verður forvitnilegt að sjá hvort hún nær þeirri tölu. Hún er fjórða áin sem fer yfir þúsund laxa í sumar. Rangárnar og Norðurá hafa áður rofið þennan múr.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |