Hollið í Laxá í Dölum sem fékk skyndilega kraftgöngu af laxi í ána, er komið í 110 laxa á fimm vöktum. Veitt er á sex stangir í Dölunum og þetta er eitt af bestu hollum í sumar í íslenskri á.
Í dag voru að veiðast lúsugir laxar í fossinum Þegjanda í Laxá og er það undrunarefni þeirra sem vel þekkja til.
Í Mjóhyl í morgun veiddist nokkuð sérstakur lax. Það var hrygna sem tók flugna Collie dog númer sextán. Þessi hrygna mældist 102 sentímetrar og það var við hæfi að hún veiddist í Mjóhyl.
Arnór Ísfjörð Guðmundsson setti í og landaði þessum fyrsta hundraðkalli í Dölunum í sumar.
Hún er svakalega mjó?
„Já það er rétt, Við vorum að ræða þetta í dag og við höldum að þetta sé endurkomufiskur sem hafi hrygnt í fyrra. En ég skal segja þér það að ég var í fimmtíu mínútur að slást við hana. Hún kunni öll brögðin sem eru í boði og hún var mjög klók,“ sagði Arnór í samtali við Sporðaköst.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |