Veiði | mbl | 14.8.2021 | 20:31

Laxá með flesta hundraðkallana

Hafsteinn Orri Ingvason með hundrað sentimetra lax sem hann veiddi í Vitaðsgjafa í Laxá í dag. Þetta er fimmta tröllið sem veiðist þar í sumar. Ljósmynd/Laxá í Aðaldal

Laxá í Aðaldal er ávallt í fyrsta sæti þegar kemur að stærstu löxunum sem veiðast á Íslandi. Í dag veiddi Hafsteinn Orri Ingvason hundrað sentimetra fisk á Vitaðsgjafa. Þessi magnaði hængur tók Frances míkró kón. Þetta er fimmti hundraðkallinn sem veiðist í Aðaldalnum í sumar og hafa þrír þeirra komið á Frances-afbrigði en tveir á Sunray shadow.

Þetta er sextándi laxinn í sumar á Íslandi sem nær þessari eftirsóknaverðu stærð. Í fyrra á sama tíma voru þeir orðnir 27 talsins.

Það er svo greinilegt að mun minna er af þessum allra stærstu í ár. Hins vegar bendir gott smálaxasumar í ár til þess að þeim geti fjölgað aftur á næsta ári. Svo er rétt að hafa í huga að sumarið er ekki búið.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.