Gengið til rjúpna – ný bók um rjúpnaveiði

Rjúpnaveiði á Grænlandi. Eitt af því sem tekið er fyrir …
Rjúpnaveiði á Grænlandi. Eitt af því sem tekið er fyrir er veiði í Grænlandi, en þangað hefur Dúi oft farið og þekkir vel til. Ljósmynd/Julius Nielsen

Rjúpnaveiðin hefst 1. nóvember og sama dag kemur út bókin Gengið til rjúpna eftir Dúa J. Landmark hjá bókaútgáfunni Bjartur og Veröld. Bókin fjallar um rjúpnaveiði á fjölbreyttan hátt og er ætluð jafnt þeim sem eru að stíga sín fyrstu skref á rjúpnaslóð sem veiðimenn sem og þeim sem vanari eru og kunna að meta margvíslegan fróðleik sem tengist rjúpnaveiðum.

Fjallað er um undirbúning og útbúnað, hvernig best er að bera sig að á veiðislóð, líffræði og lifnaðarhætti rjúpunnar, skotvopn, skotfæri og veiðar með hundi. Einnig er fjallað um sögu rjúpnaveiða og matarhefðir en í bókinni er að finna rjúpnauppskriftir frá Nönnu Rögnvaldar, Snædísi Jónsdóttur og Úlfari Finnbjörns.

Stoltir veiðimenn í upphafi 20. aldar
Stoltir veiðimenn í upphafi 20. aldar Ljósmynd/Björn Pálsson/Myndasafn Ísafjarðar

„Þarna má finna margt forvitnilegt í bókinni sem tengist rjúpnaveiðum fyrr og nú. Sagt er frá metveiði, rjúpnafelli, fyrstu íslensku rjúpnauppskriftinni, fyrstu nafngreindu rjúpnaveiðimönnunum og tengslum þeirra við Íslendingasögurnar. Einnig er sagt frá rjúpnaveiði fyrri tíma, t.a.m. gríðarmiklum útflutningi á rjúpu í kringum aldamótin 1900. Auk þess er rakin er þróun veiðitímabils og fjöldi veiðidaga í gegnum tíðina. Fjölbreytt og vandað myndefni er í bókinni, þ.á.m. áhugaverðar myndir frá rjúpnaveiði í Grænlandi,“ sagði höfundur í samtali við Sporðaköst spurður um efnistök.

Dúi J. Landmark hefur skrifað bókina Gengið til rjúpna. Bókin …
Dúi J. Landmark hefur skrifað bókina Gengið til rjúpna. Bókin kemur út 1. nóvember sem er fyrsti rjúpnadagur. Ljósmynd/Bernard Laroche

„Hver rjúpnaveiðiferð inniheldur sögu og sumar þeirra ná að verða eilífar, ferðast manna á millum og verða betri í hvert sinn sem þær eru sagðar. Veiðimenn og veiðikonur deila því einnig sínum persónulegum sögum í bókinni, sögur sem gefa innsýn í þá fjölbreyttu reynslu sem rjúpnaveiðin er.“ 

Dúi er góður ljósmyndari og þessa myndaði hann í einum …
Dúi er góður ljósmyndari og þessa myndaði hann í einum af sínum skoðunarferðum. Ljósmynd/Dúi J. Landmark

Dúi er rjúpnaveiðimaður og hefur um árafjöld framleitt og stýrt sjónvarpsþáttum um skotveiði víðsvegar um heiminn og var meðstjórnandi og formaður SKOTVÍS frá 2015 -2018.

Sporðaköst óska Dúa til hamingju með verkið.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert