Bleikjan – Styðjum stofninn, eru nýstofnuð félagssamtök sem hafa það að markmiði að gæta hagsmuna sjóbleikju og meta aðgerðir til að styrkja stofninn.
Í samstarfi við Stangaveiðifélag Akureyrar (SVAK), Veiðifélögin í Eyjafirði og Fiskirannsóknir ehf hafa samtökin boðað til opins fundar um stöðu sjóbleikjunnar undir yfirskriftinni Hnignun sjóbleikjunnar – Hvað er til ráða. Fundurinn verður haldinn þriðjudaginn 19. apríl í Deiglunni í Gilinu á Akureyri. Fundurinn hefst klukkan 20.
Á fundinum verður stiklað á stóru um þá þætti sem teljast vera orsakavaldar hnignunar sjóbleikju og hvað er til ráða. Fundarstjóri verður Sigmundur Ófeigsson og mælendur Högni Harðarson hjá Fiskirannsóknum ehf og Stefán Sigmundsson.
Alþekkt er að mjög hefur dregið úr göngum og veiði á sjóbleikju og gætir þessa um allt land. Eins og kemur fram í auglýsingu um fundinn skipta áhrif loftslagsbreytinga mestu en aðrir þættir vega líka inn í þessa jöfnu. Malartekja í ám, veiðar í sjó, kvótaskerðing, friðun svæða og ofveiði eru meðal þátta sem ræddir verða.
Kynnt verða til sögunnar á fundinum gögn til að varpa ljósi á ástandið. Óhætt er að segja að þau gögn staðfesti dramatískt fall í veiði á bleikju í öllum landshlutum. Gögnin ná aftur til ársins 1990 og er hrun í öllum landshlutum.
Þetta er fundur sem áhugamenn um bleikjuna ættu ekki að láta fram hjá sér fara.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |