Lentu í bingói í bongóblíðu í Vatnamótum

Steinþór með einn af mörgum birtingum í Vatnamótunum sem þeir …
Steinþór með einn af mörgum birtingum í Vatnamótunum sem þeir veiddu í gær. Ljósmynd/RN

Þeir félagar Steinþór Jónsson og Robert Nowak við þriðja mann lentu heldur betur í veiðiveislu í Vatnamótunum í gær. Þeir hófu veiðar um klukkan þrjú og þegar Sporðaköst náðu tali af Steinþóri á níunda tímanum í gærkvöldi voru þeir búnir að landa um þrjátíu fiskum og missa annað eins.

„Við erum að fara að hætta. Það er bara svo erfitt. Veðrið er svo fallegt," sagði Steinþór Jónsson í samtali við Sporðaköst.

Robert Nowak með þykkan og stuttan geldfisk. Þeir eru sterkir …
Robert Nowak með þykkan og stuttan geldfisk. Þeir eru sterkir þó þeir séu ekki endilega stórir. Ljósmynd/SJ


Eru þið ekki að drepast úr kulda?

„Nei. Það er búið að vera mjög hlýtt í dag en sólin er orðin býsna lágt og þá er stutt í frostið. Það er aðeins byrjað að frjósa í lykkjum en við erum búnir að vera í þvílíku bingói hér í dag. Ég held að við séum samtals komnir með um þrjátíu fiska. Þetta er þvílíka veislan.“

Eins og sjá má á myndunum sem Steinþór tók og fylgja fréttinni var stafalogn á þeim félögum og sunnlenska sólin var í essinu sínu.

Hér má sjá þrjá af þeim félögum að veiða við …
Hér má sjá þrjá af þeim félögum að veiða við skilin á Skaftá nokkru fyrir neðan þar sem Fossálar koma út í jökulfljótið. Ljósmynd/SJ

Steinþór sagði að töluvert hátt hlutfall af aflanum væri sterkur og spikfeitur geldfiskur, en svo væru stærri innan um. Stærst voru þeir félagar búnir að fá tvo fiska um 75 sentímetrana. Veiðin var mest á straumflugur með sökklínu. Hvítar og svartar straumflugur, Black Ghost og hefðbundið úrval á þessum slóðum fyrir þennan fisk. Nokkrir létu líka glepjast af púpum.

„Við erum búnir að vera að finna nokkrar torfur og þá er maður í bingó í smá tíma en svo þarf að fara og leita. Þetta er búið að vera mögnuð fyrsta vakt.“

Vorfegurð í vetrarkulda á Vatnamótum.
Vorfegurð í vetrarkulda á Vatnamótum. Ljósmynd/SJ

Hann sagði komnar þrjár eða fjórar blaðsíður í veiðibókina. Hver blaðsíða geymir 25 fiska þannig að Vatnamótin eru komin að lágmarki með hundrað fiska það sem af er og ljóst að þeir félagar eiga eftir að bæta hraustlega við verði aðstæður áfram með þessum hætti.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert