Hnignun bleikju og erfðabreyting í laxi

Skýrsla Hafrannsóknastofnunar um erfðabreytingar á laxi út frá sleppilöxum staðfestir erfðabreytingar á villtum fiski. Breytingar eru minni en Guðni Guðbergsson sviðstjóri stofnunarinnar gat búist við. Þetta kemur fram í Sporðakastaspjallinu þar sem Guðni ræðir skýrsluna og tafir sem hafa orðið á henni. Um er að ræða viðamikið plagg en upplýsingarnar eru nokkurra ára gamlar, þar sem ýmislegt hefur tafið rannsóknirnar.

Hnignun bleikju á Norðurhveli er mikið áhyggjuefni en hnignun er ekki bara staðfest á Íslandi heldur er það sama uppi á teningnum í Norður – Noregi. Guðni setur fram áhugaverða kenningu um hvað veldur.

Svo virðist sem nýliðun bleikju sé að misfarast víða. En þeir fiskar sem komast á legg dafna vel. Margir hafa orðið til þess að kenna urriða um fækkun bleikju í Þingvallavatni. Guðni Guðbergsson segir að þar hafi urriðinn ekki fjarvistarsönnun. Hins vegar sé svipuð þróun að eiga sér stað í vötnum þar sem enginn urriði er.

Hugmyndir um að endurreisa Veiðimálastofnun eru komnar í umræðuna. Hvað finnst Guðna um þær hugmyndir?

Sótthreinsun á veiðibúnaði erlendra veiðimanna er í nokkru uppnámi og nú er það hlutverk leigutaka að annast þetta verkefni. Guðni ræðir þetta og ýmislegt fleira í Sporðakastaspjalli dagsins.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert