Morgunblaðið
| 3.5.2020
| 10:07
Fæ ekki færri hugmyndir nú en þegar ég var ungur
Sveinn aldrei þessu vant á leið á leiksýningu árið 2015, ásamt eiginkonu sinni Þóru Kristjánsdóttur.
mbl.is/Kristinn Ingvarsson
Orri Páll Ormarsson
Setja bókamerki
82 árum eftir að hann sá sína fyrstu leiksýningu býr Sveinn Einarsson, leikstjóri og rithöfundur, enn að brennandi ástríðu fyrir leiklistinni. Hann sendi frá sér tvær bækur í fyrra og skrifar á hverjum degi. Þá fær hann ekkert færri hugmyndir núna en þegar hann var ungur. Eini munurinn er sá, segir hann, að samfélagið hefur ekki eins mikinn áhuga á þeim.
Mánudagur er fínn. Faðir minn hóf öll verk á mánudegi og vísaði í Biblíuna. Komdu bara með sólina með þér,“ segir Sveinn Einarsson hress í bragði þegar við mælum okkur mót gegnum símann og á þarna vitaskuld við dr. Einar Ól. Sveinsson, prófessor og forstöðumann Stofnunar Árna Magnússonar á Íslandi. Ég stend við mánudaginn en ofmælt er að segja að ég komi með sólina með mér; en hann hangir í öllu falli þurr þennan milda vormorgun og hitastigið losar tíu gráðurnar.
Sveinn tekur glaðlega á móti mér úti á stétt og býður til stofu og upp á dýrindis te. Við gætum þess að sjálfsögðu að virða settar...