Uppskurður en ekki niðurskurður

Það er ótrúlegt að hugsa til þess hve margt hefur breyst í ferðaþjónustu, bara frá því að ég steig inn í þetta ráðuneyti í janúar 2017, sem núna virðist heil eilífð. Þá snerust helstu verkefnin um vaxtarverki í ferðaþjónustu: Sums staðar var of margt fólk á tilteknum ferðamannastöðum, svo við þurftum að gæta bæði að náttúrunni og upplifun ferðamanna.

Núna erum við hins vegar í einhverjum allt öðrum veruleika. Það á auðvitað við um þjóðlífið allt, en sérstaklega ferðaþjónustuna og hún mun ekki spretta upp aftur og óbreytt eins og ekkert hafi í skorist þegar faraldurinn er genginn yfir. En við erum búin að byggja upp mikla innviði og þeir eru hér og standa áfram.“