Leyniflug til Sádi-Arabíu

Sádi-Arabar neituðu því síðdegis í gær að tímamótaviðræður hefðu átt sér stað í fyrradag, sunnudag, milli Benjamins Netanyahu, forsætisráðherra Ísraels, og Mohammeds bin Salmans, krónprins Sádi-Arabíu, í heimsókn bandaríska utanríkisráðherrans Mikes Pompeos til Sádi-Arabíu.

„Ég hef séð blaðafregnir viðvíkjandi meintum fundi hans hátignar krónprinsins og ísraelskra embættismanna í nýlegri heimsókn Pompeos,“ sagði Faisal bin Farhan utanríkisráðherra. „Engir fundir af því tagi voru haldnir, og þeir einu sem tóku þátt voru fulltrúar Bandaríkjanna og Sádi-Arabíu,“ bætti hann við, en það voru fyrstu viðbrögð yfirvald í Ryiadh við fundinum.