Dalvíkurskjálftinn olli miklu tjóni

Öflugur jarðskjálfti skók Norðurland um kl. 12.43 laugardaginn 2. júní 1934. Skjálftinn mældist af stærð 6,2 M_S og fannst allt frá Búðardal í vestri og austur á Vopnafjörð, samkvæmt bókinni Náttúruvá á Íslandi.

Upptök skjálftans voru á Dalvíkurmisgenginu um það bil einn kílómetra austur af Dalvík. Fyrsti jarðskjálftakippurinn var langharðastur og lengstur og var sagt að hann hefði staðið í hálfa aðra mínútu (90 sekúndur). Sjómenn fundu mikið högg kom á báta sína og nálægt mynni Eyjafjarðar sást óvenjuleg hafsbylgja. Það þótti benda til þess að jarðskjálftinn hefði orðið undir hafsbotni. Miklar jarðsprungur mynduðust og skriður féllu í fjöllum.