Þúsundir hurfu í ísað Eystrasaltið

Hinn 30. janúar 1945 sigldi þýska herskálaskipið Wilhelm Gustloff frá hafnarborginni Gotenhafen, nú Gdynia í norðurhluta Póllands. Um borð voru um 10.600 sálir; áhöfn, hermenn, sjóliðar, flóttafólk og -börn. Tilgangur ferðarinnar var að koma farþegum undan stórsókn Rauða hersins með því að flytja þá vestur yfir ísað Eystrasaltið. Þangað komst fólkið þó aldrei því eftir skamma siglingu lá þetta rúmlega 25 þúsund tonna skip á hliðinni. Hafði þá sovéskur kafbátur ráðist á það án fyrirvara skammt undan Danzig. Yfir 9.300 manns fórust með Wilhelm Gustloff þetta kvöld, þar af um 5 þúsund börn. Árás Sovétmanna á Wilhelm Gustloff er mesti skipsskaði sögunnar.