Tónlistarmaðurinn Stefán Jakobsson eða Stebbi Jak eins og margir þekkja hann mætti til mín í virkilega einlægt og skemmtilegt spjall ásamt sínum betri helmingi útvarpskonunni og þjálfaranum Kristínu Sif Björgvinsdóttur.Stefán er einna þekktastur fyrir það að vera söngvari þungarokkshljómsveitarinnar Dimmu en hafa þeir einmitt verið virkilega vinsælir hér á landi um þónokkurt skeið og tóku til að mynda þátt í söngvakeppninni árið 2020 sem er kanski ekki dæmigert fyrir þungarokksband.Kristín hefur starfað í morgunútvarpi K100 í átta ár núna en ásamt því hefur hún verið að þjálfa líkamsrækt af ýmsu tagi en byrjaði það allt á boxinu og hefur hún meðal annars tvisvarsinnum hreppt annað sætið á norðurlandamóti í boxi. Þessa dagana er hún ásamt útvarpsmennskunni næringaþjálfari hjá ITS.Stefán og Kristín kynntust einmitt í gegnum störf sín, Stefán sem söngvari og Kristín sem útvarpskona og urðu þau strax mjög góðir vinir en lýstu þau því að það væri eins og þau hefðu einhverveginn alltaf þekkst. Hlutirnir breyttu svo um stefnu þegar Kristín viðurkenndi fyrir Stefáni að hún væri skotin í honum og hafa þau hvorug litið um öxl síðan og eru í dag trúlofuð með samtals fimm börn.Í þættinum töluðum við meðal annars um tónlistina og hvar áhuginn á henni kviknaði, útvarpið og hvernig það er að vakna alltaf svona snemma á morgnana, fjölskyldulífið, ferðalög, rómantýkina og margt fleira ásamt því að heyra fullt af skemmtilegum sögum úr þeirra sambandstíð meðal annars þegar Stefán fékk heldur betur óvænta afmælisgjöf.Þátturinn er í boði:RÓ-CBD - https://www.rocbd.is/Dominos - https://www.dominos.is/Smitten - https://smittendating.com/Augað - https://www.augad.is/