Kvikmyndin Aftersun í leikstjórn Charlotte Wells fjallar um ljúfsárt samband dóttur og föður og skoðar samband raunverulegra og skáldaðra minninga. Guðrún Elsa Bragadóttir, kvikmyndafræðingur, ræðir þessa áferðarfallegu og nostalgísku mynd. Herdís Stefánsdóttir er margverðlaunað kvikmyndatónskáld þrátt fyrir að hafa aldrei fengið formlega tónfræðimenntun í æsku. Hún segir frá þeim áskorunum sem hafa mætt henni á ferlinum, lexíum sem hún hefur lært og hvernig misheppnuð verkefni geta leitt á nýjar brautir.