Alþjóða Ólympíunefndin líður ekki neinn pólitískan áróður eða nokkurs konar mótmæli hjá íþróttafólki á Ólympíuleikum. Einhver frægasta íþróttaljósmynd allra tíma er þó frá Ólympíuleikum og rammpólitísk. Þar steyta bandarísku hlaupararnir Tommie Smith og John Carlos hnefum á verðlaunapalli eftir 200 metra hlaupið í Mexíkóborg árið 1968,íklæddir svörtum hönskum, skólausir, með merki mannréttindahreyfingar á jökkunum.Uppákoman hafði miklar afleiðingar, fyrir Smith og Carlos en , líka Ástralann Peter Norman sem vann silfrið í hlaupinu. Í þessum þætti segjum við sögu „Black power“ mótmælanna.