Í þessum fyrsta þætti Rafbílahlaðvarpsins fáum við til okkar Hafþór Hilmarsson O'Connor til að ræða allt frá upphafi rafbílamenningar á Íslandi, hleðsluinnviði og yfir í mýtur og algengar spurningar verðandi rafbílaeigenda. Þegar Hafþór ætlaði að eignast sinn fyrsta rafbíl komst hann að því að það var lítið um svör hjá söluaðilum hér á landi, svo hann ákvað að miðla sinni reynslu og þeirri þekkingu sem hann aflaði sér. Haffi, eins og hann er kallaður, heldur úti YouTube rás þar sem hægt er að læra ýmislegt sem viðkemur rafmangsbílum. Hann er líka með vefsíðuna haffi.is þar sem hann hefur safnað saman algengum spurningum um rafmagnsbíla og orkumál. Kaflar þáttarins: 13:00 - Þægindin við rafbíla 20:00 - Mýtur um rafhlöðurnar 32:00 - Fórum yfir drægnina 43:00 - Dreifikerfi rafmagns og hleðslustöðvar 1:01:30 - Meðferð stjórnvalda