Hver kannast ekki við að fylgjast með fréttum, hvort sem það er í sjónvarpi eða á netinu og þar blasir við mynd af fréttamanni sem er staddur fyrir utan hús þar sem mikilvægar viðræður fara fram sem munu hafa áhrif á samfélagið okkar næstu ár. Kjaraviðræður. Umræður um hvað fólk vill fá í laun, hvað sé hægt að hækka laun mikið eða stytta vinnuvikuna um marga klukkutíma án þess að hjól atvinnulífsins hætti að snúast. Þessi mál geta virst flókin, eru það oft en þá er best að kalla til sérfræðinga eins og Katrínu Ólafsdóttur til að útskýra málið fyrir okkur. Umsjón: Atli Már Steinarsson