Fundinum er lokið, takk fyrir samfylgdina. Frekari fréttir af fundinum eru væntanlegar.

Verð á fíkniefnum hefur staðið í stað hérlendis á meðan það hefur hækkað mikið í nágrannalöndum, að sögn Sigríðar. Lögreglan er ósátt með það enda bendir það til þess að framboð sé nægjanlegt.

Lögreglan hefur fengið kvartanir um að hlauparar brjóti samkomubann. Sigríður brýnir fyrir fólki að halda fjarlægð.

Annars hafa ekki komið mörg brot á samkomubanninu inn á borð lögreglunnar.

Starfshópur á vegum félagsmálaráðherra vinnur nú að því að reyna að taka utan um hóp sjálfstætt starfandi fólks.

„Það er alveg rétt að þetta fólk passar ekki vel inn í lög um atvinnuleysistryggingarnar.“

Unnur vonar að stór hluti af þeim sem verður sagt upp um mánaðarmótin eða á næstunni sé líklega nú þegar á hlutabótum og því nú þegar í þjónustu Vinnumálastofnunar. Því býst hún við að fólki á atvinnuleysis- og hlutabótum fjölgi ekki.

Tilslakanir á aðgerðum á Vestfjörðum verða kynntar á mánudaginn. Þó engin tilfelli séu þar núna þá er ekki alveg víst að öllu sé lokið, segir Þorólfur.

19% þeirra sem eru atvinnulausir eða á hlutabótum koma úr ferðaþjónustunni, að sögn Unnar.

Lang stærstur hluti þeirra sem fá þjónustu Vinnumálastofnunar koma úr Vinnumálastofnunar.

Vinna til að búa til ýmsar sviðsmyndir til að opna landið er í gangi, að sögn Þórólfs.

Það veltur þó einnig á alþjóðasamfélaginu.

„Miðað við faraldurinn sem er að ganga þá eru menn almennt ekki að sýkjast aftur af veirunni,“ segir Þórólfur.

Sama fólkið sýkist ekki í bylgju tvö og þrjú.

Bóluefnið sem verið er að búa til núna er algjörlega nýtt bóluefni með nýjum efnum sem fólk þekkir ekki fyrir, segir Þórólfur.

Mikilvægt er að tryggja að bóluefnið sé öruggt og búið að prófa það á mörgum áður en það verður notað.

Það verður þó enginn eins glaður og Þórólfur ef bóluefni verður til, hann er þó ekki bjartsýnn á það í bráð.

Íslensk erfðagreining er að kanna nokkrar mælingar til að sjá hvernig mótefnasvörunin er.

Það er svolítill breytileiki í því eftir því hvort fólk hefur veikst mikið eða lítið, að sögn Þórólfs.

Það er inni í myndinni að safna blóði og vilja yfirvöld gera það til þess að vera tilbúin til að greina mótefni þegar þar að kemur.

Það er líklega hægt að tengja aukningu í ofbeldisbrotum, vopnuðum ránum og fleiru við kórónuveiruna, segir Sigríður.

Einnig er aukin harka í fíkniefnaheiminum og innheimtan orðin harkalegri, mögulega vegna þess að það er erfiðara að fjármagna neysluna núna.

Vinnumálastofnun hefur ekki heyrt mikið um að fólk hafi ekki fengið greitt í sóttkví.

„Ég vona svo sannarlega að við förum að sjá til lands,“ segir Unnur.

Hún minnir fólk á að muna það að þetta er tímabundið ástand. Vinnumálastofnun mun undirbúa fólk til þess að vera klárt og til reiðu þegar vinnan kemur aftur.

Hún þakkar sínu fólki fyrir stórkostlega vinnu. „Ofan á allt eru þau óvenju skemmtileg.“

5. maí verður opnað fyrir umsóknir atvinnurekenda sem þurftu að greiða laun til starfsfólks sem fór í sóttkví og gat ekki sinnt sinni vinnu að heiman.

Hafi starfsmenn sem þurftu að vera í sóttkví ekki fengið greitt þá geta þeir líka sótt um greiðslur.