Skiptu um lit á KitchenAid vélinni með þessari aðferð

Ertu búin/n a fá leið á litnum á KitchenAid vélinni þinni? Fékkstu þér fagurbláa vél sem þú vildir svo gjarnan hafa svarta? Eða finnst þér hvíta vélin þín ekki fá næga athygli?

Þá getur þú hreinlega málað vélina. Vinir Matarvefsins á heimasíðunni The Kitchn tóku hvíta vél og máluðu fagur gula. Þau mynduðu allt ferlið og það verður að segjast eins og er að það er merkilega auðvelt. 

Það er þó mikilvægt að vanda vel til verka. Illa máluð vél er nefnilega engin heimilisprýði. Passaðu að spreyja hana ekki of mikið - taktu þér fremur lengri tíma og mundu að þetta er nánast eins og að mála bíl enda KichenAid vél töluverð fjárfesting. 

Talaðu við sérfræðinga í málningar- eða byggingarvöruverslun og láttu þá mæla með vörunum fyrir þig. 

Mundu svo að taka nóg af fyrir og eftir myndum, pósta þeim á samfélagsmiðlum og njóta alls hróssins sem þú munt uppskera fyrir vel unnið verk.