Marengs pinnar (fyrir 6)

• 160 g eggjahvítur
• 180 g sykur
• 80 g flórsykur
• 1 msk. vanillusykur
• Matarlitir
• Trépinnar
• Sprautupoki og stútur að eigin vali

Aðferð:

1. Hitið ofninn í 120° á blæstri og leggið bökunarpappír á bökunarplötu.
2. Þeytið eggjahvíturnar í skál þar til þær eru næstum orðnar stífar. Bætið þá sykri rólega út í og haldið áfram að þeyta á lágri stillingu. Því næst kemur helmingurinn af flórsykrinum og vanillusykurinn. Restinni af flórsykrinum er blandað út í deigið með sleif.
3. Ef þú vilt lita marengsinn setur þú nokkra dropa út í deigið af þeim lit sem þú kýst og hrærir þar til liturinn hefur blandast vel saman við deigið.
4. Raðið trépinnum á bökunarpappírinn og sprautið marengsinum yfir í skemmtileg munstur. Setjið plötuna í ofninn og lækkið hitann í 80° – bakið marengspinnana í 1 tíma.
5. Slökkvið á ofninum og leyfið marengspinnunum alveg að kólna í lokuðum ofni. Það má geyma marengsinn í lofttæmdum umbúðum ef það á ekki að njóta hans strax.