Royalistar og frægir fagna
Setja bókamerki
Það heyrir til tíðinda hér á landi að fá nýbakaðar skonsur með hleyptum rjóma eða því sem kallast á ensku clotted cream. Fyrir þá sem eru ekki með „lingóðið“ á hreinu (þið sem eruð ekki alvöru royalistar) þá erum við að tala um hornstein breskrar hefðarfæðu. Fæðu sem var einungis aðalbornum samboðin.
Stórleikarinn Jóhannes Haukur Jóhannesson er sannarlega í flokki royalista hér á landi og lýsti hann fjálglega uppákomu í mjög hnitmiðuðu örleikriti sem átti sér stað á hinu stórmagnaða kaffihúsi Pallett þar sem hann gæddi sér á alvöru gæðafæði.
Var á Pallett Kaffikompaní í dag að fá mér nýbakaða enska skonsu. Ekki upphitaða, nei. Nýbakaða. Og gaurinn er enskur sem bakar hana. Þannig að, já ensk skonsa. Punktur. Svo gerist örleikrit.
Gestur á kaffihúsi: „Voða notarðu mikið smjör Jói minn.“
Ég: „Þetta er ekki smjör, þetta er hleyptur rjómi og tekur um 16 klst. að verða tilbúið.“
Gestur á kaffihúsi: (Gapir í forundran)
Ég: Hleyptur... rjómi.
Gestur á kaffihúsi: (Tárast eilítið) ... er það?
Ég: „Já... og grjóthaltu kjafti.“
Gestur og ég horfum á hvor annan stundarkorn. Svo færist friður yfir.
ENDIR.
Jóhannes deildi téðu ör-leikriti á Facebook-síðu sinni og þar skiptast menn á skoðunum um hleyptan rjóma og ljóst er að royalistar þessa lands hafa eignast nýjan samastað og mögulega talsmann.
Nauðgaði kærustu sinni og tók það upp
Mikilvægt að vera á tánum
Færa slökkviliðið til nútímans
Unnu að fullum heillindum að kaupum á TM
„Búið að vera í dreifingu í einhvern tíma“
Hæstiréttur staðfestir vanhæfi alls Landsréttar
Almannavarnir auka viðbúnað